Å vere trivselsleiar er ein krevande, men kjekk jobb. Trivselsleiarane vert valgt for ein periode på eit halvt skuleår, og etter endt jobb er det berre på sin plass å få litt lønn for strevet. Våre fine TL-leiarar hadde filmkos i siste del av skuledagen og dei kosa seg skikkeleg! Vel fortjent og takk for jobben de har gjort! De gjer skulen til ein betre plass å vera! 

På ein Montessoriskule arbeidast det i alle krikar og krokar. Golvet er ein populær plass å jobbe, der materiell blir lagt ut og ofte samarbeida om. 

Vil lærer alle på forskjellige måtar, nokre lærer gjennom lesing, andre gjennom lytting medan hendene som læringsapparat ofte blir bortgløymt i skulen. Montesorripedagogikken tar hensyn til borna sine forskjellege læringsstilar og legg til rette for at borna også kan få noko handfast å lære gjennom.

Då elevane hadde mat og helse siste dagen i januar, var det samarbeid og gode smakar som gjaldt. Dommarpanelet var heldige og fekk smake alle dei flotte kreasjonene som elevane hadde laga. 
​Elevane jobba kjempegodt og samarbeidet var upåklagelig. 

Måndag 25.april klokka 19.30 hadde vi årsmøte i Foreninga Skodvin Montessoriskule.






​Val: 
Navn -Styreverv- Varighet
Eirik Helland Leiar-1 år
Anita Gjerstad- Nestleiar 1 år
Eva Sæle Fyllingsnes- Kasserar 2 år
Monica Skare Ones- Medlem -1 år
Janne Steinsund- Foreldrerepresentant -2 år
Irmelin Seljelid Larsen- Vara Foreldrerepresentant
Anniken Aadneram- Vara
 
På møtet viste vi fram fana som Martha Gjerstad laga til Skodvin skule nokre år tilbake. Denne synes vi var så fin, at vi ville sjå om vi kunne bruke den vidare. Elin Gaulen tok på seg oppdraget.
Fana er blitt eit bilete på skulen sin historie og plass i bygda, samstundes som den viser kor stolt vi er over den nye Montessoriskulen vår. 

Vi takkar for alle som møtte.

Fram mot sommaren har vi vore så heldige at vi har fått to personar til i kollegiet vårt. Det er læraren Emanuel Badelita og assistenten Malene Seljelid Larsen.
Malene skal vere mest med gruppe Nord og Emanuel skal vere mest med gruppe Aust.  
Vi ynskjer dei hjarteleg velkommen til den fine skulen vår!

I dag har vi vert på musikal på Nordhordland Folkehøgskule. Vi fekk bli med inn i jungelen og helse på Mowgli, Baloo, Bagheera, Shere Khan, Kaa og alle dei andre dyra. Spanande for både små og store :) 

JANUAR
Veke 2 har vore ei veke fylt av fine vinteraktivitar. 
Onsdag var vi på isen, og fredag hadde vi uteskule; tema:
"vatnet sine ulike formar" 
6.klasse har lese for gruppe Nord, noko dei sat stor pris på.
På gruppe Aust og Vest har dei matteveke i veke 2 og 3.
Ellers har vi hatt gode arbeidsøkter og gleder oss til fortsetjinga! 
​

No er skuleåret kome godt i gang. Nedanfor finn du nokre glimt frå skuledagen vår.