 Då er vi tilbake etter ein inspirerande ”workshop” på Oslo Montessoriskule. Det har vore ti travle, men spanande dagar, med ni timar undervisning kvar dag. Vi har gjennomgått modul B, som har omhandla språk og kultur. Vi har gjennomgått materiell i språkopplæring, historie og naturfag. Det er spanande å sjå på det som fins og å få sjå korleis vi sjølve kan leggje til rette og lage eige materiell. Det har óg vore spanande å få snakke om korleis vi vil gjere det på vår skule. I haustferien skal vi til Oslo igjen og få godkjent arbeidet vårt, samtidig som vi skal opp til praktisk eksamen. Hanne Siri og Elisabeth er då ferdige med si utdanning, medan Monica endå har ein modul igjen. Vi byrjar å kjenne at det kriblar etter å starte opp. Mvh Hanne Siri, Elisabeth og Monica  |
|
0 Comments
 I sommar var vi 10 dagar på intensive studiar i Oslo. I løpet av desse dagane blei vi presentert for pensum i matematikk (delt inni geometri / algebra og aritmetikk) , musikk og praktiske kvardagsøvingar. Vi har gjort oss kjende med forskjellige typar materiell som vert nytta i matematikk- og musikkundervisninga. Det er mykje materiell, mykje å halde styr på og mykje gøy :) Etter enda «workshop» i sommar har vi laga våre presentasjonspermar, der alle øvingar er forklart og dokumentert. Dette blir arbeidsverktøyet vårt når skulen startar. Første veka i oktober var vi igjen i Oslo på «workshop», denne gangen med eksamen i modul A. Der la vi fram eigeprodusert materiell og presentasjonspermar for vurdering, og vi hadde praktisk eksamen i alle 3 tema. Veka enda med vel gjennomført eksamen! Vi har så langt hatt eit strevsamt, men innhaldsrikt og kjekt kurs. Gjennom vinteren skal vi ta teorien. Vi gleder oss til neste sommar, då tar vi fatt på siste modul. Montessori er kjempegøy, vi gleder oss masse til skulen startar og vi kan jobba med dette kvar dag! Hanne Siri & Elisabeth :)
|
Oppdatering
Arkivet:
February 2017
Skodvin
|
RSS Feed